მარია ანტუანეტა

პანკ-ფანტაზია რეალურ ისტორიულ პერსონაჟსა და ეპოქაზე: ოსკაროსანი კოსტიუმები, რომლებშიც შერწყმულია როგორც XVIII საუკუნის, ისე თანამედროვე მაღალი მოდის ვაიბები, ნამდვილი ვერსალი, ბაროკოს მუსიკა და The Cure, ქარაფშუტა, ანტიკვარულ თოჯინას დამსგავსებული კირსტენ დანსტი — არც ისე არისტოკრატი, არც ისე კაპრიზული უფროსკლასელი. სიუჟეტის მიხედვით, მას — ავსტრიის იმპერატრიცის 14 წლის ქალიშვილს — საფრანგეთში ათხოვებენ სახელმწიფოთაშორისი კავშირების გასამყარებლად. სასახლეში ცხოვრება მარტივი არ არის, თუმცა მარია ნუგეშს პოულობს ტორტებში, აზარტულ თამაშებსა და მდიდრული კაბების ყიდვაში. შორს აღარ არის საფრანგეთის რევოლუცია.