სიყვარული და ინფორმაცია

ინფორმაცია თანამედროვე სამყაროს განუყოფელი ნაწილია. ის მუდმივად იცვლის მნიშვნელობას და ფორმას, რითაც ადამიანს სრულად ართმევს სტაბილურობის განცდას. ამ რთულ პროცესში, როგორც ინდივიდი, ისე საზოგადოება განუწყვეტლივ ურთიერთგამომრიცხავ ინფორმაციაზე რეაგირებს. ”სიყვარული და ინფორმაცია“ ბრიტანელი დრამატურგის, ქერილ ჩერჩილის პიესის მიხედვით დადგმული სპექტაკლია, რომელშიც რეჟისორი მიხეილ ჩარკვიანი შემოქმედებით გუნდთან ერთად, სოციალურად და პოლიტიკურად ქაოტურ სამყაროში არსებულ ფართო საკითხებს, უკიდურესად ვიწრო, ადგილობრივ კონტექსტში აქცევს.