Ludi Iuris

თუ გსურს საკუთარი თავი ინტელექტუალურ თამაშებში გამოსცადო და სამართალში შენი ცოდნა შეამოწმო, ეს პროექტი სწორედ შენთვისაა!

ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის სტუდენტური თვითმმართველობის საზოგადოებასთან ურთიერთობის დეპარტამენტის ორგანიზებით იმართება ინტელექტუალური შეჯიბრი - ,,Ludi Iuris.”

პროექტის მიზანია, დაეხმაროს სტუდენტებს კრიტიკული აზროვნების ჩამოყალიბებასა და გუნდური მუშაობის უნარის განვითარებაში. სამართლებრივი თამაშები მათ საკუთარი შესაძლებლობების განსხვავებულ გარემოში გამოცდის საშუალებას აძლევს.

ინტელექტუალური თამაში 20 სამართლებრივ შეკითხვას მოიცავს. თითოეულზე პასუხის გასაცემად კი გამოყოფილი იქნება 1 წუთი.

პროექტი განკუთვნილია იურიდიული ფაკულტეტის I-IV კურსის სტუდენტებისთვის. მონაწილეობას შეძლებს 9 გუნდი. თითოეული უნდა დაკომპლექტდეს 5 მონაწილისგან.

ქულების მიხედვით გამოვლინდება გამარჯვებული გუნდი, რომელსაც გადაეცემა ფულადი პრიზი.

თითოეული სტუდენტი მიიღებს მონაწილეობის დამადასტურებელ სერტიფიკატს.

თარიღი: 2 აპრილი
დრო: 18:00
ადგილი: თსუ-ს I კორპუსი, აუდიტორია 310

რეგისტრაციისთვის შეავსეთ მითითებული ფორმა:

https://docs.google.com/.../1FBlrwU1e_T89.../edit

 სარეგისტრაციო ფორმა გაიხნება 1 აპრილს 18:00 საათზე .

მონაწილეებმა უნდა წარმოადგინონ ცნობა სტუდენტის სტატუსის შესახებ ან მოთხოვნა უნდა ჰქონდეთ გაგზავნილი პორტალიდან . 

იურიდიული ფაკულტეტის სტუდენტური თვითმმართველობა გისურვებთ წარმატებებს!