ლენინგრადელი კოვბოები ამერიკაში მიდიან

აკი კაურისმაკის — „ფინელი ჯარმუშის“ — ყველაზე თავზეხელაღებული ფილმი. აქ ორი ისტორიაა საინტერესო: ერთი, რომელსაც ფილმში ვხედავთ, და მეორე — რომელიც ფილმში არ არის.

დავიწყოთ პირველით: ციმბირელი უსაქმური მუსიკოსები სამხატვრო საბჭოს წინაშე გამოდიან — რა თქმა უნდა, სრულიად წარუმატებლად. თუმცა ერთ-ერთი ჩინოვნიკი მათ ამერიკაში მცხოვრები ნათესავის ტელეფონის ნომერს აძლევს და ეუბნება: იქ წადით, იქ ყველანაირ სისულელეს უკრავენო. და, რა თქმა უნდა, ისინიც ამერიკაში მიემგზავრებიან. ყიდულობენ ძველ „კადილაკს“, იზრდიან სრულიად გიჟურ ვარცხნილობებს, იკეთებენ მუქ სათვალეებს და იცვამენ წარმოუდგენლად გრძელცხვირიან ფეხსაცმელს, რათა ამერიკელებს დაემსგავსონ, და...

მეორე ისტორია კი ასეთია: 1987 წელს ფინეთში მართლაც შეიქმნა ჯგუფი Sleepy Sleepers, რომელიც როკ-ენ-როლის ცნობილი ჰიტების ქავერებს რუსულ ხალხურ სიმღერებთან მონაცვლეობით ასრულებდა. ისინი კაურისმაკიმ შეამჩნია და თავის ფილმში მიიწვია. მუსიკოსებმა მაშინვე გადაირქვეს სახელი და Leningrad Cowboys გახდნენ, დროთა განმავლობაში კი არა მხოლოდ პოპულარობა მოიპოვეს, არამედ ფაქტობრივად ფინეთის ერთ-ერთ სიმბოლოდაც იქცნენ!

ამ ტექსტის ავტორი მათ სანქტ-პეტერბურგში გამართულ ერთ-ერთ იშვიათ კონცერტსაც დაესწრო — და ეს ნამდვილად ერთ-ერთი საუკეთესო კონცერტი იყო მის ცხოვრებაში!