ლექცია: თანამედროვე სამყაროს ესთეტიკა — მალევიჩი, მონდრიანი, ბაუჰაუსი

ლექცია: თანამედროვე სამყაროს ესთეტიკა — მალევიჩი, მონდრიანი, ბაუჰაუსი

როგორ ჩამოყალიბდა თანამედროვე სამყაროს ესთეტიკა: სუპრემატიზმი, კონსტრუქტივიზმი, ნეოპლასტიციზმი და ბაუჰაუსი.

შეუძლია თუ არა ხელოვნებას „არაფრის“ გამოსახვა? და რატომ იქცა კაზიმირ მალევიჩის „შავი კვადრატი“ XX საუკუნის ერთ-ერთ ყველაზე რევოლუციურ ნამუშევრად?

როგორ შეცვალა ვლადიმირ ტატლინმა წარმოდგენები ქანდაკების შესახებ?

როგორ ქმნიდნენ რუსულენოვანი ავანგარდისტები კომუნისტური საზოგადოების ვიზუალურ სახეს, მოგვიანებით კი — მთელი თანამედროვე კულტურის ესთეტიკას?

შესაძლებელია თუ არა ხაზებით, გეომეტრიული ფორმებითა და ფერებით სამყაროს უნივერსალური კანონების გამოხატვა? და შეძლო თუ არა პიტ მონდრიანმა თავისი ოცნების — ჰარმონიის მიღწევა უკიდურესად აბსტრაქტული ხელოვნების მეშვეობით?

როგორ ჩამოაყალიბა ბაუჰაუსის სკოლამ ახალი ხედვა არქიტექტურასა და დიზაინში და როგორ განსაზღვრა მისმა იდეებმა XX საუკუნის ქალაქების იერსახე?

ლექციაზე გავეცნობით, თუ როგორ უარყვეს XX საუკუნის დასაწყისის მხატვრებმა და არქიტექტორებმა სილამაზის შესახებ დამკვიდრებული წარმოდგენები და შექმნეს თანამედროვეობის ვიზუალური ენა — აბსტრაქტული ფერწერიდან არქიტექტურამდე, საგნების დიზაინსა და ურბანულ გარემომდე.

ლექციას გაუძღვება ვადიმ ნასლედოვი — ისტორიის მეცნიერებათა კანდიდატი, პედაგოგი და ლექტორი.