ბოჰემური ცხოვრება

ნაზი და უსასრულოდ სევდიანი ფილმი, სადაც სასაცილო და ლამაზი ტრაგიკულს ისე ორგანულად ერწყმის, როგორც თავად ცხოვრებაში.

მხატვარი და არალეგალი ემიგრანტი როდოლფო, პოეტი მარსელი და კომპოზიტორი შონარი პარიზში ღარიბულად, მაგრამ შემოქმედებითად და გულითადი მეგობრობით სავსე ცხოვრებით ცხოვრობენ. როგორც ნამდვილ ტრაგედიაშია, მათი ცხოვრების წინასწარ განსაზღვრული მიმდინარეობის შეცვლას მხოლოდ სიყვარული და ბედი თუ შეძლებს.

ფილმი მთლიანად ფრანგულ ენაზეა გადაღებული, მიუხედავად იმისა, რომ არც რეჟისორს და არც ორ მთავარ ფინელ მსახიობს — მატტი პელლონპიასა და კარი ვიაინონენს — ფრანგული არ ესმით.

ინტერვიუდან აკი კაურისმაკი-სთან:

– თქვენი ფილმი შესანიშნავია. და რაც მთავარია — ძალიან სასაცილო…

– არა, ეს ტრაგედიაა.

– რატომ ტრაგედია?

– იმიტომ რომ ნულოვანი ვარ.

– რატომ ხართ ნულოვანი?

– იმიტომ რომ სევდიანი ვარ.

– რატომ ხართ სევდიანი?

– არ ვიცი. დაბადებიდან ასეთი ვარ.

– ეს ერთადერთი მიზეზია?

– არა, კიდევ იმიტომ, რომ ფინიელი ვარ.

თუ ეს ასეა და კაურისმაკი მართლა დაბადებიდან სევდიანია, მაშინ მისი სევდა სინათლითაა სავსე.

ფილმს ბერლინის კინოფესტივალზე FIPRESCI-ს პრიზი მიენიჭა, ხოლო რეჟისორი საფრანგეთის საფუძვლიანი ღირსების ორდენის კავალერი გახდა.