კოვბოი ბიბოპი

საიდუმლო ტერორისტი გეგმავს მზის სისტემის დედაქალაქის, მარსის, მოსახლეობის განადგურებას უცნობი პათოგენის გამოყენებით. კოსმოსური ხომალდის „ბიბოპის“ თავებზე მონადირეების გუნდი იწყებს დამნაშავის ძიებას. მათი მიზანია, შეაჩერონ ტერორისტი, სანამ შეტევა მოხდება.

სერიალების მიხედვით გადაღებული ფილმების უმეტესობა – ან პრეისტორიაა, ან გაგრძელება. „კოვბოი ბიბოპი“ – უფრო განშტოებაა. ამის წყალობით, ფილმი არა მხოლოდ ფრთხილად უვლის სერიალის დრამატულ ფინალს, არამედ ხდება იდეალური წერტილი „კოვბოი ბიბოპის“ სამყაროში შესვლისთვის. შესანიშნავი ვარიანტია მათთვის, ვისაც სურს გაეცნოს ამ საკულტო ანიმეს, მაგრამ არ აქვს დრო მთელ სერიალზე.