კირილ ზდანევიჩის გამოფენა

მის ბიოგრაფიასა და შემოქმედებაში აისახა მულტიკულტურული თბილისის პოლიფონია და მე-20 საუკუნის პირველი ნახევრის თითოეული მხატვრულ-ისტორიული პერიპეტია: ფიროსმანაშვილი, ,,ფუტურისტთა სინდიკატი“, ჯგუფი „41°“, არტისტული კაფეები და მათი მოხატულობა, ქართული თეატრი და არტისტული წიგნი თუ საბჭოთა რეჟიმი და მისი ტოტალური გავლენა ხელოვნებასა და ადამიანზე. გამოფენაზე წარმოდგენილი იქნება კირილ ზდანევიჩის 11 ნამუშევარი გივი ფარასტაშვილის კოლექციიდან. ნამუშევრები გვთავაზობს მხატვრის შემოქმედების რეტროსპექტივას 1910-იანი წლების კუბო-ფუტურისტული კომპოზიციებიდან 1960-იან წლებში შესრულებულ პეიზაჟებამდე. ექსპონატები როგორც უშუალოდ ზდანევიჩის შემოქმედების, ისე XX საუკუნის I ნახევრის ქართული სახვითი ხელოვნების საეტაპო ნამუშევრებს წარმოადგენენ. გამოფენის დათვალიერება წინანდლის მუზეუმის სტუმრებს ორი თვის განმავლობაში შეეძლებათ. გამოფენის წარმდგენი: Silknet