KIBE - 7TH ANNIVERSARY: COMETHISFAR // MENTAL LIMIT // SALOME // SEQTA // VFY // VULKANSKI

28 აგვისტოს KIBE 7 წლის იუბილეს აღნიშნავს. ყველაზე რთული პერიოდების მიუხედავად, KIBE ყოველთვის აგრძელებდა წინსვლას, გაიზარდა კლუბის ფარგლებს მიღმა და ბათუმის კულტურული ლანდშაფტის ნაწილად იქცა

მე-7 წლის იუბილეს აღსანიშნავად KIBE SALOME-ს უმასპინძლებს. თბილისში დაბადებული არტისტი ელექტრონული მუსიკის სცენის ერთ-ერთ გამორჩეულ ფიგურად ჩამოყალიბდა. ბერლინში გადასვლის შემდეგ, SALOME აქტიურად არის ჩართული ქალაქის საკლუბო კულტურაში. როგორც DJ, პროდიუსერი და ცნობილი ბერლინური პარტიების სერიის, Herrensauna-ს რეზიდენტი, მისი მუსიკა ელექტროს, ტექნოს, ეისიდსა და სხვა ჟანრებს აერთიანებს.

მას შეუერთდება Vulkanski — ქართული ელექტრონული მუსიკის სცენის ერთ-ერთი მნიშვნელოვანი ფიგურა, KHIDI-ს რეზიდენტი და ლეიბლის BITE-ის წევრი. მისი მუსიკა აერთიანებს ენერგიულ ტექნოსა და ინდუსტრიულ ჟღერადობებს, რის შედეგადაც Vulkanski-მ საკუთარი, გამორჩეული სტილი ჩამოაყალიბა. ლაინაფს B2B სეტით შეუერთდებიან Seqta და VFY. Seqta თბილისში და ბერლინში დაფუძნებული DJ და პროდიუსერია, რომლის ჟღერადობა ჰიპნოტურ ეისიდ ტრანსს, შამანურ დრამებსა და პროგრესულ ბრეიქებს აერთიანებს. VFY ცნობილი ქართველი DJ-ისა და KIBE-ს რეზიდენტის, ერეკლე თაბუკაშვილის, იგივე Tobako Tween-ის სოლო პროექტია. VFY-ს ფარგლებში ის ტრანსის, პროგრესული ჰაუსისა და ბრეიქბითის მიმართულებებს იკვლევს და ჟღერადობის მიმართ მრავალფეროვან და მუდმივად განვითარებად მიდგომას ავითარებს.

ლაინაფს KIBE-ს გამორჩეული რეზიდენტები, Comethisfar და Mental Limit, დაასრულებენ. ადგილობრივი DJ, პროდიუსერი და ვინილის მოყვარული Comethisfar ტექნოს სხვადასხვა მიმართულებების თანამედროვე კონტექსტში გადმოტანას ცდილობს. თანამედროვე არტისტების გავლენით, ის ჟანრის კლასიკურ საფუძვლებს საკუთარი ხედვით ავითარებს. Mental Limit-ის ჟღერადობა ღრმა, ჰიპნოტურ ტექნოზეა დაფუძნებული და ძლიერ რიტმებს, დახვეწილ გრუვებს, ატმოსფერულ ტექსტურებსა და ემოციურ სიღრმეს აერთიანებს. გამორჩეული არტისტული ხედვით, ის დინამიურ, ატმოსფერულ და პერსონალურ მუსიკალურ გამოცდილებას ქმნის