ღამის ზღვარზე

თქვენ წინაშეა XX საუკუნის ყველაზე სკანდალური წიგნი. ლუი-ფერდინანდ სელინი, პირველი მსოფლიო ომის ვეტერანი, ექიმი და მწერალი, თავდაყირა აყენებს ლიტერატურის ტრადიციულ წარმოდგენას და სცენაზე გამოაქვს ქუჩის ხმა, ცინიზმი და გროტესკი — ნაცნობი ჰეროიკული პროზის ნაცვლად.

„ღამის ზღვარზე“ — შავი ფრანგული იუმორი, დაუნდობელი სატირა და კონტრასტებით თამაში: ომი და ფარსი, სიკვდილი და სიცილი, ჭუჭყი და პოეზია. სწორედ ამ წიგნიდან დაიწყო ევროპის ახალი პროზა, რომელიც დღემდე აღფრთოვანებას, კამათს და მიუღებლობას იწვევს.

ამ კვირა დღეს ჩვენს სივრცეში გაიმართება შეხვედრა, სადაც ვისაუბრებთ იმაზე, თუ რატომ იქცა სელინი ლიტერატურული სკანდალის სიმბოლოდ, როგორ შეცვალა მისი სტილი რომანის ენა და რატომ ჟღერს თითქმის საუკუნის წინ დაწერილი წიგნი დღესაც ასე თანამედროვე და მწვავედ.

შეხვედრას წაიყვანს ბატონი ვოლინსკი — ფილოსოფოსი, ისტორიკოსი, პოლონურ-საბჭოთა დისიდენტების შთამომავალი.