კურდღელი ჯოჯო

ტრაგიკომედია ნაცისტურ გერმანიაზე, რომელსაც თავად ავტორებმა „სიძულვილის წინააღმდეგ მიმართულ სატირა“ უწოდეს. ფილმი მოგვითხრობს ახალგაზრდა ნაცისტზე, ჯოჯოზე მეტსახელად „კურდღელი“, რომელიც 1944 წლის გერმანიაში ცხოვრობს. ბიჭი სულ 10 წლისაა, მაგრამ მისი ერთადერთი სურვილია — ემსახუროს რაიხს. იმდენად, რომ მისი საუკეთესო მეგობარი წარმოსახვითი ადოლფ ჰიტლერია. თუმცა ყველაფერი იცვლება, როცა ირკვევა, რომ მის სახლში, სხვენზე, ებრაელი გოგონა იმალება. ამ მომენტიდან ჯოჯოს მსოფლხედვა სერიოზულ ბზარებს იწყებს.

Jojo Rabbit — ეს არის კაშკაშა, ფერადი ფილმი, თითქოს ბავშვური გასაფერადებელი წიგნიდან გადმოსული, თუმცა სრულიად ასაკგარეშე გზავნილით. იგი სავსეა იმ განსაკუთრებული, თავაშვებული იუმორით, რომელიც გამოცდილ ექსცენტრიკოსს, Taika Waititi-ს ასე კარგად გამოსდის. სიკვდილი, დანაკარგი და ომის საშინელებები ამ ფერად სამყაროში იშვიათად, წერტილოვნად იჭრება — და სწორედ ამიტომ ეს სცენები კიდევ უფრო მტკივნეული და გამჭოლია. სახლის უსაფრთხო ზღურბლს მიღმა ომი იწყება — აბსურდული, ჭრელი და სევდიანი.