ჯგუფი "გამოუვალი მდგომარეობა"

13 იანვარს - შეხვდი ძველით ახალ წელს, ჯგუფი “გამოუვალი მდგომარეობის” კონცერტზე და გაატარე საუკეთესო დრო მეგობრებთან ერთად Mono Hall-ში ✨🧡

ჯგუფი “გამოუვალი მდგომარეობა” ის ერთადერთი ბენდია, რომელიც ბენდად ჩამოყალიბებამდე წარმოუდგენლად პოპულარული გახდა.

“გამოუვალი მდგომარეობა” სატელევიზიო სივრცეში, სერიალში “ჩემი ცოლის დაქალები” დაიბადა, როგორც სერიალის ერთ-ერთი მთავარი გმირის, ირაკლი ხურცილავას ბენდი, რომლის როლს ვანო თარხნიშვილი ასრულებს.

თავდაპირველად სიმღერები სერიალისთვის იწერებოდა და სერიალშივე სრულდებოდა. მალევე , სერიალში გაჟღერებული ცნობილი ქართული სიმღერების თანამედროვე ვერსიები იმდენად პოპულარული გახდა, რომ ბენდმა ეკრანებიდან რეალურ ცხოვრებაში გადმოაბიჯა და უკვე 9 წელია მსმენელს ახარებს.

ბენდის წევრები არიან: ვანო თარხნიშვილი (ვოკალი), დავით გაბუნია (კომპოზიტორი, ვოკალი, გიტარა), შოთარი დარახველიძე (გიტარა), გიორგი გობეჯიშვილი (ბასი), ლევან მიქელაძე (კლავიში), ერეკლე ჭიჭინაძე (დრამი)