ისმინე ისრაელ

ალბათ, ძალიან ცოტა ადამიანმა იცის, რომ მარჯანიშვილის თეატრის შენობაში, 1910 - 1932 წლებში, თბილისის იდიშურენოვანი თეატრი იყო. სპექტაკლები კი ნიუ იორკისა და ვარშავის იდიშური თეატრების პროგრამის მიხედვით იდგმებოდა. არქივმა ძალიან ცოტა რამ შემოგვინახა და ჩვენამდე მხოლოდ ერთი სპექტაკლის ესკიზი მოვიდა - "ისმინე ისრაელ/שמע ישראל". პიესა ოსიპ დუმოვს, იგივე იოსიფ პერელმანს ეკუთვნის, რომელიც რუსეთის იმპერიაში მცხოვრები იუდეველების ცხოვრებას ასახავს. სპექტაკლი "ისმინე ისრაელ/שמע ישראל", თბილისში, 1912 წლის ნოემბერში დაიდგა. იგივე სპექტაკლს, ამჯერად, 2024 წელს აცოცხლებს თბილისის აღდგენილი იდიშური თეატრი, რომელშიც ქართველი და ებრაელი მსახიობები დიდი სიყვარულით თამაშობენ. შმა ისრაელ - ეს არის ამბავი ღმერთზე გაბრაზებულ ადამიანზე, რომელიც მთელი ცხოვრება ლოცულობდა, ხოლო ღმერთმა ზურგი აქცია, სწორედ მაშინ, როდესაც ყველაზე მეტად სჭირდებოდა. ესაა ამბავი ებრაელ ოჯახზე, რომელიც გაწამებულია პოგრომებით, დევნით, პირადი ტკივილებით, რჯულის დათმობის იძულებით და სვამს პაწიწინა კითხვას : “რისთვის?” დასაწყისი: 20:00ასაკობრივი შეზღუდვა 12+