IS GOD IS

IS GOD IS იწყება მომაკვდავი დედის ბრძანებით: იპოვეთ მამათქვენი და მოკალით.

ტყუპ დებს, რასინსა დაანაიას, ბავშვობიდან მოჰყვებათ როგორც ფიზიკური, ისე ემოციური იარები — ისინი ძლივს გადაურჩნენ ხანძარს, რომელმაც კინაღამ მათი სიცოცხლე იმსხვერპლა. წლების შემდეგ მათგან გაუცხოებული დედა, რუბი, კვლავ ჩნდება და უყვება სიმართლეს იმის შესახებ, თუ რა მოხდა სინამდვილეში — თანაც ერთი უკანასკნელი თხოვნით. ყველაფერში მათი მამა იყო დამნაშავე და ახლა დედას სურს, ქალიშვილებმა დაასრულონ ის, რაც მან დაიწყო. დები ძველ მანქანაში სხდებიან და ამერიკის სამხრეთისკენ მიემართებიან კაცის საძებნელად, რომელსაც თითქმის არ იცნობენ.

სცენარისტი და რეჟისორი ალეშია ჰარისი ეკრანზე საკუთარ, არაერთი ჯილდოს მფლობელ თეატრალურ პიესას აცოცხლებს, რომლის პრემიერაც 2018 წელს Soho Rep-ში შედგა. ორიგინალური ტექსტი აერთიანებდა ბერძნული ტრაგედიის, სპაგეტი-ვესტერნის, ჰიპ-ჰოპისა და აფროპანკის გავლენებს და ფილმიც ამ უჩვეულო ნაზავს ინარჩუნებს. ის, რაც შეიძლებოდა ჩვეულებრივ შურისძიების თრილერად ქცეულიყო, ფართოვდება და სამხრეთულ გოთიკას, საგზაო ფილმსა და შავ კომედიას აერთიანებს — უკიდურესი ძალადობის უეცარი აფეთქებებით. მის გენეტიკაში იგრძნობა KILL BILL-ისა და SINNERS-ის კვალი, თუმცა ჰარისს საკუთარი ხედვა აქვს იმის შესახებ, თუ სად მიჰყავს ადამიანს შურისძიება მას შემდეგ, რაც მკვლელობა რეალურად იწყება.

დების როლებს კარა იანგი და მალორი ჯონსონი ასრულებენ. მათი დედის როლში ვივიკა ა. ფოქსია, ხოლო სტერლინგ კ. ბრაუნი მისთვის სრულიად უჩვეულო ამპლუაში გვევლინება — ის იმ მამას თამაშობს, რომელსაც დები დასდევენ. ჯანელ მონე, ერიკა ალექსანდერი და მაიკელტი უილიამსონი კი უჩვეულოდ ძლიერ მეორეხარისხოვან მსახიობთა ანსამბლს ავსებენ.

IS GOD IS სასაცილო, სასტიკი და შეგნებულად გადაჭარბებული ფილმია, თუმცა შურისძიების მექანიკის მიღმა იმ დების ისტორია იმალება, რომლებსაც იმ ძალადობის შედეგებთან უწევთ ცხოვრება, რომელიც მათ დაბადებამდე თუ ბავშვობაში მოხდა და რომელზეც მათ არანაირი გავლენა არ ჰქონდათ. მთავარი კითხვა მხოლოდ ის არ არის, იპოვიან თუ არა მამას. საკითხავი ისაა — რას გადააქცევს მათ სხვისი შურისძიების აღსრულება.

2 სექტემბერი, ოთხშაბათი — 18:15