Investment Ecosystem Conference Vol. 4

17 ოქტომბერს აქსელი (ანგელოზ ინვესტორთა ქსელი), 2026 წლის შემაჯამებელ ყოველწლიურ ღონისძიებას – “Investment Ecosystem Conference Vol. 4-ს” გამართავს.

კონფერენციის ფარგლებში, აქსელი ანგელოზ ინვესტორებს, სტარტაპების დამფუძნებლებს, ანტრეპრენერებს, უცხოელ დელეგატებს, VC ფონდების წარმომადგენლებს, ტექნოლოგიით დაინტერესებულ პირებსა და სფეროს სხვა ექსპერტებს გააერთიანებს. 

ღონისძიების მთავარი ნაწილი 17 ოქტომბერს ჩატარდება, რომლის მთავარი კონცეფცია იქნება „ნაბიჯი“ - პირველი ნაბიჯი, რომლითაც იწყება გზა იდეიდან - ბიზნესამდე, გადაწყვეტილებიდან - ცვლილებებამდე, წარუმატებლობიდან - წარმატებამდე, შეუძლებლიდან - რეალურ შედეგამდე. ვისაუბრებთ გადაწყვეტილებებზე, რომლებმაც დღეს უკვე წარმატებული ექსპერტების პროფესიული გზები შეცვალეს.

დამსწრეებს ექნებათ საშუალება, მოისმინონ:

○ საერთაშორისო და ადგილობრივი ინვესტორების გამოსვლები;

○ ტექნოლოგიური სტარტაპების ფიჩები;

○ პანელური დისკუსიები;

○ ვენჩურული კაპიტალის ფონდების გამოსვლები.

დამატებით, მონაწილეობა მიიღონ არაფორმალურ აქტივობებში და რა თქმა უნდა, ნეთვორქინგ სესიებში აქტივობებს შორის.

რაც შეეხება 16 და 18 ოქტომბერს, პარტნიორი კომპანიები და VC ფონდები, დახურული ფორმატის ღონისძიებებს უმასპინძლებენ. 

ღონისძიებაზე დასასწრები ბილეთი მოიცავს მოწვევას 17 ოქტომბრის მთავარ კონფერენციაზე, თუმცა, ორგანიზატორების თანხმობის შემთხვევაში, მისი გამოყენებით შესაძლებელი იქნება წვდომის მიღება დახურული ფორმატის ღონისძიებებზეც. 

ბილეთის საფასური

ღონისძიებაზე დასასწრები ბილეთები გაიყიდება ორ ეტაპად:

I კალათა - 250 ლარი

II კალათა - 450 ლარი

ბილეთების რაოდენობა თითოეულ კალათაში შეზღუდულია. 

თუ ჯერ კიდევ არ გვიცნობთ, მეტი აქსელის შესახებ:

აქსელი საქართველოს ანგელოზ ინვესტორთა ქსელია, რომელიც 100 ინვესტორსა და ჩვენი გავლით დახურულ 33+ გარიგებას აერთიანებს. აქსელი ქმნის სივრცეს, სადაც ტექნოლოგიური სტარტაპების დამფუძნებლები და ანგელოზი ინვესტორები ერთმანეთს უკავშირდებიან და ახალ შესაძლებლობეს ქმნიან.

ღონისძიება განკუთვნილია სტარტაპების დამფუძნებლებისთვის, ინვესტორებისთვის, მეწარმეებისთვის, ინოვაციების სფეროთი დაინტერესებულებისთვის და ყველასთვის, ვისაც სურს საქართველოს და რეგიონის საინვესტიციო ეკოსისტემის ნაწილი გახდეს.

გადადგი შენი შემდეგი ნაბიჯი ჩვენთან ერთად.

ასაკობრივი შეზღუდვა: 16+.