ვერაგობა და სიყვარული

სიყვარულიცა და ვერაგობაც კაცობრიობის თანმდევი, მარადიული ცნებებია, ისევე, როგორც ღალატი, ერთგულება, თავდადება თუ სულმდაბლობა.

დიდი გერმანელი პოეტის, დრამატურგისა და მოაზროვნის, ფრიდრიხ შილერის უკვდავი პიესა „ვერაგობა და სიყვარული“ არისტოკრატი ახალგაზრდა მამაკაცის, ფერდინანდისა და შედარებით დაბალი წრის წარმომადგენლის, ლუიზას ტრაგიკული სიყვარულის ისტორიაა.

რეჟისორმა გოჩა კაპანაძემ სწორედ ამ მარადიულ თემებზე არჩია საუბარი მაყურებელთან, რადგან კლასიკა იმიტომაცაა კლასიკა, რომ მარადჟამს უაღრესად თანამედროვეა, რისი დასტურიც უკვდავი შილერის მთელი შემოქმედება გახლავთ.