უბრალოდ მინდა, რომ გიყვარდე

როგორც ფილმის სახელწოდებაც მიგვანიშნებს, მისი არსიც სწორედ მასშია — და ამჯერად ეს გრძელი სათაური სრულიად გამართლებულია. რაინერ ვერნერ ფასბინდერის ერთ-ერთი ყველაზე ემოციური ფილმი ადამიანზე, რომელიც სიყვარულის დამსახურებას სასოწარკვეთილი ცდილობს და ამ გზაზე ნელ-ნელა ძალას, ღირსებასა და საკუთარი თავის პატივისცემას კარგავს.

ახალგაზრდა მუშა პეტერი ყველაფერზეა წამსვლელი, რათა სხვების — უფროსის, ცოლისა და მშობლების — მოლოდინებს მოერგოს. განვადებით შეძენილი ნივთები, მუდმივი ზეგანაკვეთური მუშაობა და დაუძლეველი სურვილი, იყოს „კარგი ბიჭი“, მის ცხოვრებას უსასრულო რბოლად აქცევს. სანუკვარი და თითქოს ერთადერთი აუცილებელი სიყვარული მის წინ მუდამ ისე მოჩანს, როგორც სტაფილო ვირის წინ — თითქოს ხელმისაწვდომია, მაგრამ სინამდვილეში ყოველთვის მიუწვდომელი რჩება.

👩‍🦰 შეხვედრას გაუძღვება ფილოსოფოსი და კინოთეატრის თანადამფუძნებელი ვარია ვლასოვა.