გრინჩი — შობის გამტაცებელი

ერთხელ ქალაქ კტოგრადში ცხოვრობდა პატარა არსება სახელად გრინჩი. ის იყო სრულიად მწვანე და ბეწვიანი, და არავის უყვარდა. გრინჩმა კტოგრადელებზე გული აიცრუა და გადავიდა საცხოვრებლად მარტოხელა, ქარებით გამორეცხილ მთაზე. იქ, თავის გამოქვაბულში, იჯდა და მთელ სამყაროზე ბრაზობდა. ყველაზე მეტად კი გრინჩს შობა სძულდა. მაშინ, როცა კტოგრადის მოსახლეობა გულით ერთობოდა, გრინჩის ისედაც მუდამ ცუდი განწყობის ბარომეტრი საშინელ ნიშნულს აჩვენებდა.