გიორგი ცხადაძე და მიშო კვინიკაძე

საპროდიუსერო კომპანია „თაგის არტი“ და სასტუმრო RED RADISSON TBILISI აგრძელებს კულტურულ-საგანმანათლებლო და შემეცნებითი სალონური შეხვედრების ციკლს, რომელსაც ერთობ მიმზიდველი შინაარსი გააჩნია. სალონური შეხვედრების კარი ღიაა ქართული და უცხოური საზოგადოების ყველა ფენისთვის. სალონურ შეხვედრებს წარუძღვებიან, კონკრეტულ დღეს მოწვეული, განათლებული და თავიანთ სფეროში წარჩინებული პირნი. ვისაუბრებთ ყველაფერზე, რაც დღეს ყველაზე მეტად სჭირდება ადამიანს, რომელიც გამუდმებით ბედნიერების ძიებაშია. სალონურ შეხვედრებზე განსაკუთრებული ადგილი მუსიკას დაეთმობა. მუსიკა უმნიშვნელოვანესი ინსტრუმენტია. მუსიკალური ბგერა, ენერგიის ყველაზე ძლიერი გამტარია. დავტკბებით გასტრონომიული სივრცის „ფოსტის“ კულინარიული მრავალფეროვნებით. 22 ნოემბერს, სალონური შეხვედრის მოწვეული სტუმრები არიან მსახიობი და მომღერალი, გიორგი ცხადაძე და პიანისტი მიშო კვინიკაძე. ყოველ შეხვედრაზე მოეწყობა ვიქტორინა -''რამდენად კარგად იცნობ თბილისს“, სადაც სტუმრებისთვის გათამაშდება სხვადასხვა პრიზი. გამარჯვებული გახდება ის, ვინც სწორად უპასუხებს წამყვანის მიერ თბილისის ისტორიიდან დასმულ შეკითხვებს.