«გატეხილი გულების კლუბი»

10 მარტს თბილისში სოხუმის სახელმწიფო დრამატულ თეატრში სპექტაკლი-დიალოგი „გატეხილი გულების კლუბი“ პირველად გაიმართება.

ორი მსახიობი - ორი ძლიერი პერსონაჟი, რომლებიც ერთმანეთს უპირისპირდებიან. გულწრფელი, ღია, პარადოქსული საუბარი მსახიობებსა და მაყურებელს შორის. შესაძლოა, ამ საღამოს მაინც შევძლოთ მივუახლოვდეთ პასუხს ყველაზე მნიშვნელოვან კითხვაზე: რა არის სიყვარული?

სპექტაკლში წარმოდგენილია მიშელ უელბეკის, ჯეიმს ჯოისის, ვერონიკა ტუშნოვას, რობერტ როჟდესტვენსკის, ნიკოლაი ზაბოლოცკის, ივან ბუნინის, ალექსანდრე ოსტროვსკის, ვერა პოლოზკოვას და სხვათა ტექსტები.