"გალაკტიონის კვირეული’’ სიტყვის აკადემიაში

SOLO და Wealth Management ბარათის მფლობელებზე ვრცელდება 20%-იანი ფასდაკლება.

გეპატიჟებით გალაკტიონის დაბადების დღისადმი მიძღვნილ კვირეულზე King David-ში!

ორი უნიკალური კონცეფციის საღამო - სადაც ლიტერატურა, ფილოსოფია, მუსიკა და მხატვრული კითხვა ერთიანდება და გალაკტიონის მაგიურ პოეზიას აცოცხლებს

გალაკტიონის კვირეულის პირველ შემოქმედებით საღამოს ერთობლივად გაუძღვებიან მურმან ჯინორია და ზვიად ბოლქვაძე.

მურმან ჯინორია, ქართული კინოსა და თეატრის ცოცხალი ლეგენდა, წაიკითხავს გალაკტიონის გამორჩეულ ლექსებს, გაგვიზიარებს საკუთარ ხედვას პოეტის შემოქმედებისა და ცხოვრების შესახებ.

ზვიად ბოლქვაძე, კომპოზიტორი, ავტორ-შემსრულებელი და თანამედროვე ქართული მუსიკის გამორჩეული წარმომადგენელი, გაგვიზიარებს გალაკტიონის პოეზიის როლს თავის ცხოვრებასა და შემოქმედებაზე. ასევე, შეასრულებს უნიკალურ კომპოზიციებს, რომლებიც მისი ლექსების მიხედვით შექმნა.

კვირეულის მეორე საღამო გააერთიანებს ფილოსოფიის, ლიტერატურისა და მუსიკის სფეროებს, გალაკტიონის პოეზიის გარშემო.

ორი გამორჩეული ქართველი მოაზროვნე - ლევან გიგინეიშვილი და გია მურღულია, ისაუბრებენ გალაკტიონის გენიალურ შემოქმედებაზე, გაანალიზებენ მის უნიკალურ სტილს, პოეტურ საწყისებს, მისტიკურ განზომილებებსა და იმ საიდუმლოს, რომელიც გალაკტიონის სიტყვას დღემდე უჩვეულო ძალას ანიჭებს.

საღამოს მუსიკალურად გააფორმებს ყველა დროის საუკეთესო ქართველი ჯაზვუმენი - მაია ბარათაშვილი, რომელიც შეასრულებს ქართულ კომპოზიციებს და მათ შორის, გალაკტიონის ლექსის მიხედვით შექმნილ ნაწარმოებს.

ორივე საღამოს ფარგლებში სტუმრებს შესაძლებლობა ექნებათ, დასვან კითხვები და გააზიარონ საკუთარი მოსაზრებები.

დამატებითი ინფორმაციისთვის დაგვიკავშირდით ნომერზე

+995 599 00 11 20

• ასაკობრივი შეზღუდვა: 12+