Freeuni Alumni Fundraising Dinner️

წელს, 22 ნოემბერს, სტამბაში, კიდევ ერთხელ შევიკრიბებით განათლების მხარდასაჭერად და სასიამოვნო საღამოს გასატარებლად, Freeuni Alumni Fundraising Dinner️-ზე.

თავისუფალი უნივერსიტეტის ალუმნი ფონდი ტრადიციულ საქველმოქმედო ვახშამზე უმასპინძლებს თავისუფალი უნივერსიტეტის კურსდამთავრებულებს, ლექტორებს, ადმინისტრაციის წარმომადგენლებსა და ფონდის მეგობრებს.

ვახშამზე დასწრებით თქვენ დააფინანსებთ თავისუფალი უნივერსიტეტის ნიჭიერი და მოტივირებული პირველკურსელების სტიპენდიებს და მათ პირველი სასწავლო წლის ეკონომიკურად შემსუბუქებაში დაეხმარებით.

2025 წლის ვახშამზე პირველად გაიმართება VA[A]DS-ის აუქციონი. საქველმოქმედო აუქციონის ფარგლებში გაიყიდება თავისუფალი უნივერსიტეტის ვიზუალური ხელოვნების, არქიტექტურისა და დიზაინის სკოლის (VA[A]DS) სტუდენტებისა და კურსდამთავრებულების ნამუშევრები.

ვახშამს მუსიკალურად დანიელ ადიკაშვილის კვარტეტი გააფორმებს.

ღონისძიების ოქროს სპონსორია „გეფა“. ღონისძიების მხარდამჭერები არიან Mastercard, „ტოიოტა კავკასია“, Quick, „მარანი კასრელი“ და D Block Workspace.