დინება

მარტოხელა კატა, რომელმაც დამანგრეველი წყალდიდობის შედეგად სახლი დაკარგა, თავშესაფარს ნავში პოულობს, სადაც სხვა ცხოველებთან ერთად აღმოჩნდება.

ეს ანიმაციური ფილმი 30 წლის ლატვიელმა ანიმატორმა უფასო პროგრამა „Blender“-ის გამოყენებით შექმნა და ის 2024 წლის მსოფლიო კინემატოგრაფიის ერთ-ერთ ყველაზე მნიშვნელოვან მიღწევად იქცა, რომელმაც როგორც კრიტიკოსების, ისე მაყურებლების აღფრთოვანება დაიმსახურა.

ფილმს უკვე უწოდეს „მნიშვნელოვანი ეტაპი მსოფლიო ანიმაციის ისტორიაში“. კანის კინოფესტივალზე პრემიერის შემდეგ მაყურებელი მას შვიდწუთიანი ოვაციებით შეხვდა.

ლატვიაში ფილმის 100 000-ზე მეტი ბილეთი გაიყიდა, რამაც ის ქვეყნის დამოუკიდებლობის აღდგენის შემდეგ კინოთეატრებში ნაჩვენებ ერთ-ერთ ყველაზე პოპულარულ ადგილობრივ ფილმად აქცია.

🏆 „ოსკარის“ მფლობელი ნომინაციაში „საუკეთესო სრულმეტრაჟიანი ანიმაციური ფილმი“.