დინება

მარტოობით დარჩენილი კატა, რომელმაც სახლი დამანგრეველი წყალდიდობის გამო დაკარგა, თავშესაფარს სხვა ცხოველებთან ერთად ნავში პოულობს.

ეს ანიმაციური ფილმი 30 წლის ლატვიელმა ანიმატორმა სრულიად უფასო პროგრამა Blender-ზე შექმნა და ის 2024 წლის მსოფლიო კინოს ერთ-ერთ მთავარ მიღწევად იქცა — მოაჯადოვა როგორც კრიტიკოსები, ისე მაყურებლები. მას უკვე უწოდეს „მსოფლიო ანიმაციის მნიშვნელოვანი ეტაპი“. კანის კინოფესტივალზე პრემიერის შემდეგ ფილმს შვიდწუთიანი ოვაციები ხვდა. ლატვიაში კი 100 000-ზე მეტი ბილეთი გაიყიდა, რაც მას ქვეყნის ერთ-ერთ ყველაზე პოპულარულ კინოსურათად აქცევს დამოუკიდებლობის აღდგენის შემდეგ.

ფილმმა ახლახან მიიღო „ოსკარი“ ნომინაციაში — „საუკეთესო ანიმაციური სრულმეტრაჟიანი ფილმი“.