დინება

მარტოხელა კატა, რომელმაც დამანგრეველი წყალდიდობის შედეგად სახლი დაკარგა, თავშესაფარს პოულობს ნავში სხვა ცხოველებთან ერთად.

ეს ანიმაციური ფილმი შექმნილია 30 წლის ლატვიელი ანიმატორის მიერ უფასო პროგრამა „Blender“-ის გამოყენებით და 2024 წლის მსოფლიო კინემატოგრაფიის ერთ-ერთ უმთავრეს მოვლენად იქცა, რომელმაც ერთნაირად მოხიბლა როგორც კრიტიკოსები, ისე მაყურებელი. მას უკვე უწოდეს „მსოფლიო ანიმაციის მნიშვნელოვანი ეტაპი“. კანის კინოფესტივალზე პრემიერის შემდეგ ფილმს შვიდწუთიანი ოვაციები მოჰყვა. ლატვიაში გაიყიდა 100 000-ზე მეტი ბილეთი, რის შედეგადაც იგი დამოუკიდებლობის აღდგენის შემდეგ ერთ-ერთ ყველაზე პოპულარულ ეროვნულ ფილმად იქცა დიდ ეკრანებზე.