კინოკლუბი

თსუ-ს სტუდენტური გაერთიანება „სხივი“ წარმოგიდგენთ კულტურულ-საგანმანათლებლო პროექტის მეორე სეზონს - „კინოკლუბი“.

 გაინტერესებს კინო, როგორც ხელოვნება და კულტურული ფენომენი? მაშინ ეს პროექტი სწორედ შენთვისაა!

 „კინოკლუბი“ აერთიანებს კინოს მოყვარულ სტუდენტებს და მათ სთავაზობს უნიკალურ შესაძლებლობას - გაეცნონ მსოფლიო და ქართული კინემატოგრაფიის მნიშვნელოვან ნიმუშებს და პროფესიონალი რეჟისორის ხელმძღვანელობით იმსჯელონ ფილმების თემატურ, ესთეტიკურ და ისტორიულ მნიშვნელობაზე.

პროექტის ფარგლებში, ექვსი კვირის განმავლობაში, გაიმართება ექვსი კინოჩვენება, თითოეული ჩვენების შემდეგ კი ჩატარდება ლექცია-დისკუსია.

 ლექცია-დისკუსიებს გაუძღვება რეჟისორი ნინო გელოვანი.

 რატომ უნდა მიიღო მონაწილეობა?

 გაიცნობ ქართულ და მსოფლიო კინემატოგრაფიის შედევრებს
 გაიღრმავებ ცოდნას კინოსა და ვიზუალური ხელოვნების შესახებ
 განივითარებ კრიტიკულ და ანალიტიკურ აზროვნებას
 ჩაერთვები საუნივერსიტეტო კულტურულ ცხოვრებაში
 გახდები საინტერესო დისკუსიების მონაწილე

 რას ვუყურებთ:

საზღვარგარეთული მხატვრული ფილმები (I სექცია):
 „მწვანე მილი“ - რეჟ. ფრენკ დარაბონტი
 „გაქცევა შოუშენკიდან“ - რეჟ. ფრენკ დარაბონტი
ქართული მხატვრული ფილმები (II სექცია):
 „მონანიება“ - რეჟ. თენგიზ აბულაძე
 „ფიროსმანი“ - რეჟ. გიორგი შენგელაია
დოკუმენტური ფილმები (III სექცია):
 „ასი“ - რეჟ. მერაბ კოკოჩაშვილი
 „ივანე ჯავახიშვილი“ - რეჟ. მერაბ კოკოჩაშვილი

 პროექტი შედგება სამი თემატური სექციისგან:
საზღვარგარეთული მხატვრული ფილმები
ქართული მხატვრული ფილმები
დოკუმენტური ფილმები

 პროექტში მონაწილეობა შეუძლია ივანე ჯავახიშვილის სახელობის თბილისის სახელმწიფო უნივერსიტეტის ყველა ფაკულტეტის აქტიური სტატუსის მქონე სტუდენტს, რომელიც სწავლობს ბაკალავრიატის საფეხურზე.

 მდებარეობა: თბილისის სახელმწიფო უნივერსიტეტი

 მნიშვნელოვანი თარიღები:
 რეგისტრაციის დაწყება - 9 მარტი
 რეგისტრაციის დასრულება - 31 მარტი

 კინოჩვენებები გაიმართება კვირაში ერთხელ:

I სექცია
 7 აპრილი - „მწვანე მილი“
 14 აპრილი - „გაქცევა შოუშენკიდან“

II სექცია
 21 აპრილი - „მონანიება“
 28 აპრილი - „ფიროსმანი“

III სექცია
 5 მაისი - „ასი“
 19 მაისი - „ივანე ჯავახიშვილი“

კინოჩვენებები დაიწყება საღამოს საათებში, სასწავლო პროცესის დასრულების შემდეგ (დაახლოებით 19:00 - 20:00 საათზე). დეტალური ინფორმაცია რეგისტრირებულ მონაწილეებს დამატებით ეცნობებათ.

ერთ სტუდენტს ექნება შესაძლებლობა მხოლოდ ერთ სექციაში მიიღოს მონაწილეობა.

სექციის ყველა, ორ კინოჩვენებასა და ლექცია-დისკუსიაზე დასწრების შემთხვევაში მონაწილეებს გადაეცემათ სერთიფიკატები.

 შეავსე ფორმა და გახდი „კინოკლუბის“ მეორე სეზონის მონაწილე!

სარეგისტრაციო ფორმა: https://forms.gle/jj1UgQ1kwJvNJBy1A