მამებისა და შვილების ვორქშოპი

ვორქშოპი „მამები და შვილები“ თბილი, სახალისო და ემოციური აქტივობაა, რომელიც მამებსა და შვილებს ერთობლივ შემოქმედებით გამოცდილებაში აერთიანებს.

მონაწილეები ერთად აფორმებენ საზაფხულო სათვალეებს სხვადასხვა ფერადი დეკორაციებით, სტიკერებითა და აქსესუარებით, შემდეგ კი ქმნიან პერსონალიზებულ მეჩინგ სამაჯურებს, რომლებიც მათი ურთიერთობისა და განსაკუთრებული კავშირის სიმბოლო ხდება.

ვორქშოპი შექმნილია იმისთვის, რომ ბავშვებმა და მამებმა ერთად გაატარონ ხარისხიანი დრო, ითანამშრომლონ, გაერთონ და შექმნან სამახსოვრო ნივთები, რომლებიც ამ დღის განსაკუთრებულ ემოციებს შეინახავს.

ეს არის სივრცე, სადაც მთავარი არა მხოლოდ ხელსაქმე, არამედ საერთო მოგონებების შექმნა და ერთად გატარებული დროა.