ფანი და ალექსანდერი

„ერთ ჩვეულებრივ შვედურ ოჯახში...“ — ეკდალების ოჯახის ისტორია, დანახული ორი ბავშვის — და-ძმის, ფანისა და ალექსანდერის თვალით. სანამ ოჯახი ერთიანი და განუყოფელია, ბავშვები ბედნიერები არიან და ყოველგვარი შიშის გარეშე შეუძლიათ საოცარ ოცნებებს მიეცნენ. თუმცა ყველაფერი იცვლება, როდესაც მამა გარდაიცვლება და დედა მეორედ ქორწინდება.

ეს ინგმარ ბერგმანის ერთ-ერთი ყველაზე სახელგანთქმული და უდავოდ ყველაზე მასშტაბური ფილმია, რომელსაც თავად რეჟისორი საკუთარ შემოქმედებით ანდერძად მიიჩნევდა. მისი კინოთეატრალური ვერსია ჩვენ უკვე არაერთხელ გვიჩვენებია. ახლა კი დროა, ამ შედევრის სრული, „სატელევიზიო“ ვერსია ვნახოთ, რომლის ხანგრძლივობაც 5 საათს ოდნავ აღემატება! ვინც ჩვენთან ერთად გაუძლებს — ყოჩაღ! 😄

🏆 ოთხი „ოსკარი“, BAFTA-ს, „სეზარის“, „დავიდ დი დონატელოს“, „ოქროს გლობუსისა“ და სხვა მრავალი ჯილდოს მფლობელი.