დაცვენილი ფოთლები

ინტროვერტ ქალს მარტოობას მხოლოდ რადიომიმღები უმსუბუქებს, მაგრამ იქაც არაფერია დამამშვიდებელი — უსასრულო შემაშფოთებელი ამბები რუსეთისა და უკრაინის ომის შესახებ. და აი, იგი ეცნობა ასეთივე მარტოსულ და სევდიან ალკოჰოლიკ კაცს, და ისინი ერთად მიდიან კინოში, რათა ნახონ ჯარმუშის ფილმი მკვდრები არ კვდებიან (რადგან ყველასთვის ცნობილია, რომ კაურისმეკი და ჯარმუში ძველი, განუყრელი მეგობრები არიან). ყველაფერი იქნება სევდიანიც და სასაცილოც — ერთდროულად — მაგრამ ბოლოს მაინც კარგად დასრულდება.

ეს არის ჩვენი საყვარელი ფინელი მელანქოლიკოსის, აკი კაურისმეკი, ყველაზე ახალი ფილმი. თავად აკიმ მას თავისი „პროლეტარული ტრილოგიის“ მეოთხე ნაწილიც კი უწოდა (რა თქმა უნდა, ირონიულად). ეს არის მშვიდი და ლამაზი ისტორია სიყვარულზე, უიმედობაზე და იმედზე — ფილმი, რომელსაც კანში დიდხანს უკრავდნენ ტაშს, სანამ მორცხვი და მოკრძალებული კაურისმეკი დარბაზიდან არ გაიპარებოდა.

კანის კინოფესტივალის ჟიურის პრიზი, 2023 წელი.