Faction x Defragged Sessions: 2bit2bi, gwän, Ozan, Saag, undrtow

Faction, 2023 წელს, დიჯეების მიერ დაარსებული კოლექტივი და წვეულებების სერიაა, რომელიც მიზნად ისახავს ტექნოს ცვალებად პულსზე რეფლექსიას და ტრანსფორმაციული ენერგიისთვის სივრცის შექმნას ახალი ტალანტების აღმოჩენით. 13 ივნისს, Horoom-ში, Faction-ის საკლუბო ღამე სტამბოლის იატაკქვეშა სცენაზე 2021 წელს შექმნილ კოლექტივსა და წვეულებების სერია, Defragged Session-თან კოლაბორაციით გაიმართება და მასზე წარდგებიან Gwän, რომლის ჟღერადობაც ჰიპნოტური ტექნოს, ღრმა ატმოსფერულ დაძაბულობასა და გრუვზე ორიენტირებულ მოძრაობას შორის თანაკვეთაზე დგას; თბილისელი დიჯეი და პროდიუსერი 2bit2bi, რომლის ჩანაწერებიც გამოქვეყნებულია ლეიბლებზე Different Sound, Influenced Records, 0136 და NYXII; ერთმანეთის მხარდამხარ დაუკრავენ წარმოშობით თურქი დიჯეები, undrtow და Ozan, რომლებიც ამჟამად თბილისსა და ჰელსინკიში არიან დაფუძნებული. undrtow-ის შემოქმედება ღრმადაა ფესვგადგმული სტამბოლის იატაკქვეშა ტექნო სცენაზე, სადაც Defragged Sessions-ის სახელით არაერთი წვეულების თანაავტორია. Defragged Sessions-ის კურატორია გრუვით და ექსპერიმენტული ჟღერადობით გამორჩეული Ozan, რომელიც ამავდროულად სათავეში უდგას ჰელსინკის Club Kaiku-ში გამართულ საკლუბო ღამეების სერიას Pearl. პორტუგალიაში მოღვაწე ბრაზილიელი არტისტი, ფირფიტების კულტურის თავდაუზოგავი გულშემატკივარი,  Ø [Phase]-ის ლეიბლის, Modwerks-ისა და პორტოს წვეულებების სერიის, K Koletivo-ს წევრი, Saag.