Empire Of The Sun

27 აგვისტოს Black Sea Arena-ის ეზოში მდებარე Front Stage ავსტრალიურ მუსიკალურ პროექტს Empire of the Sun უმასპინძლებს 

Luke Steele და Nick Littlemore-ს მიერ შექმნილი დუეტი პირველად 2008 წელს, სადებიუტო ალბომით Walking on a Dream გამოჩნდა და მსმენელთა გული მაშინვე დაიპყრო. კომპოზიციები Walking on a Dream და We Are the People მათი წარმატების მხოლოდ საწყისი იყო - თეატრალური წარმოდგენებით და სხვადასხვა მუსიკალური ჟანრების საინტერესო შეზავებით Empire of the Sun დღემდე არ კარგავს აქტუალურობას.

3 წარმატებული ალბომის შემდეგ Empire of the Sun შარშან ახალი სტუდიური ჩანაწერით Ask That God დაგვიბრუნდა და მსოფლიო ტურნეც დაიწყო.

Glastonbury, Coachella, Lollapalooza და სხვა მასშტაბური ფესტივალების შემდეგ საქართველოს ჯერიც დადგა და ძალიან გვიხარია, რომ ქართველ მსმენელთან მათი პირველი შეხვედრა Front Stage-ზე შედგება.