დუმბაძის ადამიანური სევდა - ამაღლება

2026 წლის 5 ივნისს, 19:00 საათზე, ნოდარ დუმბაძის სახელობის მოზარდ მაყურებელთა თეატრში გაიმართება თეატრალური წარმოდგენა „დუმბაძის ადამიანური სევდა - ამაღლება“.

სპექტაკლი არის ემოციური და სიცოცხლით სავსე თეატრალური დადგმა, რომელიც შექმნილია ნოდარ დუმბაძის შემოქმედების მოტივების მიხედვით. იგი მაყურებელს სთავაზობს მოგზაურობას ადამიანური გრძნობების სამყაროში - სევდის, თანაგრძნობის, იუმორისა და სიყვარულის უნიკალურ შერწყმაში.

დადგმა ეკუთვნის პირველი ქართული საერთაშორისო დიასპორული თეატრის „დაბრუნება“ შემოქმედებით ჯგუფს, რომელიც დაარსებულია თინათინ სვანიძე-ვენკოს მიერ ნიდერლანდების სამეფოს ქართული კულტურის ცენტრის ბაზაზე. სპექტაკლი აერთიანებს მრავალფეროვანი გამოცდილების მქონე ახალგაზრდებს - ჰერეთიდან, აფხაზეთიდან და ცხინვალიდან დევნილებს, ფერეიდნელ ქართველებს, ასევე ემიგრაციიდან საქართველოში დაბრუნებულ მონაწილეებს. მათი განსხვავებული ისტორიები ქმნის უნიკალურ შემოქმედებით სინთეზს, სადაც კულტურული მეხსიერება და თანამედროვე რეალობა ერთიანდება თეატრალურ ენაში.

ეს არ არის მხოლოდ წარმოდგენა, ეს არის ცოცხალი დიალოგი ადამიანობაზე, საერთო მეხსიერებასა და იმ ღირებულებებზე, რომლებიც გვაერთიანებს.

შემოქმედებითი გუნდი:

სამხატვრო ხელმძღვანელი - თინათინ სვანიძე-ვენკო

პიესის ავტორი და ტექნიკური რეჟისორი - მაკა მიდოდაშვილი

მეტყველების პედაგოგი - თინათინ კობალაძე

პროექტის მენეჯერი და მუსიკალური გაფორმება - ნინო გოგოხია

ასაკობრივი შეზღუდვა: 6+