დუეტი კოლოროტის ქალაქური სიმღერების კონცერტი

ვახტანგ სალარიძის სახელობის საკონცერტო დარბაზში გაიმართება ყველასათვის საყვარელი - დუეტ კოლორიტის ქალაქური სიმღერების საღამო.

თამრიკო რობაქიძე და გულიკო გურგენიძე შემოგვთავაზებენ საუკეთესო ნიმუშებს ძველი თბილისის მუსიკალური მემკვიდრეობიდან – სიმღერებს, რომლებიც სითბოთი, ნოსტალგიითა და ქალაქური ხიბლით იქნება გაჯერებული.

ღონისძიების ფარგლებში შედგება დუეტ კოლორიტის ახალი ალბომის პრეზენტაციაც, რომელიც მოიცავს ნამდვილი თბილისურ სიმღერებს.

ალბომში შესულია კარგად ნაცნობი და ყველასათვის საყვარელი კომპოზიციების დუეტ კოლორიტისეული ინტერპრეტაცია — განსაკუთრებული ჟღერადობითა და შემოქმედებითი ხედვით წარმოდგენილი ძველი თბილისის მელოდიები.

ამ საღამოს განსაკუთრებულობას ქმნის არა მხოლოდ დუეტ კოლორიტის ხმოვანება და შემოქმედებითი სტილი, არამედ აუდიტორიასთან მათი უშუალო ურთიერთობაც – თბილი ატმოსფერო, ლაღი ხასიათი და მოგონებებით სავსე საღამო.

კონცერტს კიდევ უფრო გაამდიდრებს დუეტის მეგობარი მუსიკოსების მონაწილეობაც, რომლებიც სპეციალურად ამ საღამოსთვის შეუერთდებიან მათ სცენაზე.

ეს იქნება მუსიკალური მოგზაურობა თბილისის ძველ უბნებში, იქ, სადაც ჯერ კიდევ ისმის ეზოში გაჟღერებული მელოდიები და გულით ნამღერი სიტყვები.

გიწვევთ, ერთად გავიზიაროთ ქალაქური მელოდიების სილამაზე, ნამდვილი თბილისური განწყობა და დუეტ კოლორიტის ახალი ალბომის პრემიერა.