დოქტორი სტრეინჯლავი

სისხლიანი და შავი თარიღი ჩვენს კალენდარში – ჩვენი ცხოვრების ყველაზე საშინელი დღე. მოდით, გაუმკლავდეთ შიშსა და სასოწარკვეთას აბსურდის მეშვეობით.

ფილმი სტენლი კუბრიკმა გადაიღო კარიბის კრიზისის მალევე, როგორც ანტიმილიტარისტული სატირა შეიარაღების რბოლასა და აშშ-სა და საბჭოთა კავშირის პოლიტიკურ დაპირისპირებაზე. საჰაერო ბაზის გენერალი რიპერი („მოჭრელი“) აგზავნის ბომბდამშენების ესკადრილიას ბირთვული იარაღით საბჭოთა კავშირის დასაბომბად.  

ამერიკის პრეზიდენტი ცდილობს კატასტროფის თავიდან აცილებას და იწვევს მრჩევლებს, მათ შორის ინვალიდის ეტლზე მიჯაჭვულ ყოფილ ნაცისტ მეცნიერს, დოქტორ სტრეინჯლავს. იწყება სრულიად აბსურდული, ქაოსური საბავშვო თამაში, სადაც მთავარი ფიგურები არც პრეზიდენტები არიან, არც გენერლები და არც თავად ნაცისტი მეცნიერი. არამედ სტრეინჯლავის ურჩი ხელი, რომელიც აღარ ემორჩილება პატრონს, მაგრამ რომლისგანაც ახლა მთელ კაცობრიობაზეა დამოკიდებული.  

ამერიკის კინოინსტიტუტის მიხედვით, ფილმი მესამე ადგილზეა საუკეთესო კომედიებს შორის და 39-ე საუკეთესო ამერიკულ ფილმებს შორის.