დემნა გვასალია — ლექცია მოდაზე, იდენტობასა და თანამედროვე კულტურაზე

დემნა გვასალია — ლექცია მოდაზე, იდენტობასა და თანამედროვე კულტურაზე

პოსტსაბჭოთა მომხმარებლური კულტურა, მართლმადიდებელი ეკლესია, ყალბი ბრენდები, ძველმანების ბაზრობები, ჰიპ-ჰოპი, კომპიუტერული თამაშები და ინტერნეტი — ერთი შეხედვით, ეს ყველაფერი მაღალი მოდის სამყაროსგან ძალიან შორს დგას. თუმცა სწორედ ამ გამოცდილებების, მოგონებებისა და ვიზუალური ასოციაციებისგან ქმნის დემნა გვასალია თანამედროვე მოდის ერთ-ერთ ყველაზე ამოსაცნობ ესთეტიკას.

მისი ნამუშევრები წამებში იქცევა მემებად, რადგან XXI საუკუნეში საზოგადოებრივი რეაქცია ხშირად ისეთივე მნიშვნელოვანია, როგორც თავად ნივთი. მიუხედავად პროვოკაციული ფორმებისა, თითოეული კოლექციის უკან დგას უზადო კონსტრუქცია, სილუეტთან დახვეწილი მუშაობა და ისეთი ბრენდების მემკვიდრეობის ღრმა გააზრება, როგორიცაა Balenciaga და Gucci.

ლექციაზე ვისაუბრებთ:

• რა არის პოსტმოდერნიზმი და მეტაირონია და რატომ არის მათი გაგება აუცილებელი თანამედროვე რეალობის გასააზრებლად;

• რატომ უბრუნდება დემნა გვასალია საკუთარ ბავშვობის ისტორიებს და რატომ ეხმიანება ისინი მსოფლიოს სხვადასხვა კუთხეში მცხოვრებ ადამიანებს;

• არის თუ არა „უშნო“ სილამაზე მხოლოდ მარკეტინგული ხრიკი თუ ინტელექტუალური მხატვრული მეთოდი;

• როგორ უკავშირდება მოდა იდენტობის ძიებასა და თანამედროვე სოციალურ დრეს-კოდს;

• რატომ იქცა ჰუდი, სპორტული ფეხსაცმელი და ტატუ თანამედროვე კულტურის მნიშვნელოვან სიმბოლოებად და სად უნდა დაისვას მძიმე ფრაზაში: „გავაუქმოთ, არ დავტოვოთ“.

ლექტორი: გალინა აპრიშკინა — ხელოვნებათმცოდნე, ლექტორი და გიდი, მრავალწლიანი პროფესიული გამოცდილებით მოსკოვსა და თბილისში.