DECODER: I HATE MODELS, 999999999, GREENBEAM & LEON, KARINA SAAKYAN

DECODER კუს ტბაზე, ცისკარში, 18 ივლისს, საზაფხულო სერიით ბრუნდება და ელექტრონული მუსიკის მსმენელს ღია ცის ქვეშ, მწვანე სივრცეში, გამორჩეულ არტისტებს წარმოგიდგენთ:

I Hate Models ფრანგი პროდიუსერისა და დიჯეის ფსევდონიმია, რომელიც ნიღბის უკან იმალება და დღესდღეობით ერთ-ერთი მასშტაბური არტისტია ელექტრონული მუსიკის სცენაზე. მისი მუსიკა განსაკუთრებული ეკლექტურობით ხასიათდება, სადაც განწყობათა დიაპაზონი ნოსტალგიას, მარტოობას, მელანქოლიასა და ბრუტალურობას შორის მერყეობს.

999999999 --- იტალიური ტექნო დუო მძიმე, ცივი და უხეში ჟღერადობის მოყვარულთა შორის ფართო აღიარებით სარგებლობს მსოფლიოს გარშემო. 999999999-ის ცოცხალი შესრულება, სეტები და სტუდიური ჩანაწერები მუდმივი ცვალებადობით, იმპროვიზაციითა და ენერგიულობით გამოირჩევა, რაც მათ საპატიო ადგილს უმკვიდრებს სცენის ავანგარდში.

Greenbeam & Leon ერთ-ერთი ყველაზე შთამბეჭდავი ქართული ტექნო პროექტია, რომელიც 2002 წელს დააარსეს თბილისელმა პროდიუსერებმა, აჩი თაბუკაშვილმა და ლეონ ლოლიშვილმა. მოგვიანებით, მათ Vulkanski-ისა და Boyd Schidt-ის სახელით გააგრძელეს წარმატებული სოლო მოღვაწეობა, თუმცა პროექტის დაფუძნებიდან ოცზე მეტი წლის გასვლის შემდეგ გადაწყვიტეს, რამდენიმე საიუბილეო სეტი დაუკრან ერთად.

Karina Saakyan სომხეთის ელექტრონული მუსიკის სცენისა და საკლუბო კულტურის ერთ-ერთი წამყვანი ფიგურაა. ერევნის საკულტო ქვიარ წვეულებების სერიის, Diaries-ის რეზიდენტის სეტები დახვეწილი თხრობის მანერითა და ტექნიკური შესრულებით გამოირჩევა, სადაც დიჯეი და მსმენელი მუდმივ ემოციურ კავშირშია ერთმანეთთან.

ასაოკობრივი შეზღუდვა: 18+