დაკარგულის ძიებაში

სინოფსისი: ცნობილი უკრაინელი თეატრალური რეჟისორი, დრამატურგი, უკრაინის პირველი დამოუკიდებელი თეატრის „დახ“-ის (უკრაინულად „სახურავი“) დამაარსებელი - ვლად ტროიცკი და ახალი თეატრის დასი წარმოგიდგენთ მუსიკალურ-დრამატულ პერფორმანსს „დაკარგულის ძიებაში“, ეს არის ამბავი ომზე და ომით მიყენებულ ტკივილებზე.

ხალხი გაურბის ომს აფხაზეთში 90-იანებში... 2008-ში გორში... 2022 უკრანიაში... ჩერდებიან, რომ ცოტა მაინც მოითქვან სული და გადაწყვიტონ, საით უნდა წავიდნენ.. ეს ადგილი წინა ცხოვრების ნივთების ნაგავსაყრელია... რა არის აქედან საჭირო და აუცილებელი? იქნებ წიგნები... იქნებ სხვა რამ... იქნებ?... როგორ უნდა ისწავლო თავიდან იოცნებო, ირწმუნო... ენდო სხვას... კითხვები... კითხვები... კითხვები....