კირკე პლატფორმის რეზიდენციის განაცხადი 2026

ბილეთის შეძენა არ ნიშნავს ავტომატურად პროექტში მონაწილეობას, საბოლოო შერჩევისთვის უნდა გაიაროთ სამი ეტაპი . კონკურსში მონაწილეობასთან დაკავშირებით, დამატებითი კითხვის არსებობის შემთხვევაში, გთხოვთ, დაუკავშირდეთ ორგანიზატორს მეილზე - circeplatform@gmail.com.

Circe Platform აცხადებს ღია მოწვევას საქართველოში დაფუძნებული მულტი მედია არტისტებისთვის, რომლებსაც აინტერესებთ მოძრაობა, ცეკვა და ექსპერიმენტები ტექნოლოგიასა და მეცნიერებაში.
 

შერჩეული არტისტები ერთი თვის განმავლობაში განავითარებენ ახალ პერფორმანსულ პროექტებს (სოლო, დუეტი ან ჯგუფური ფორმატი). მათ ექნებათ წვდომა სამუშაო/რეპეტიციის სივრცეზე, ტექნიკურ მხარდაჭერაზე და თანამშრომლობის შესაძლებლობა ინჟინრებთან და ტექნიკურ სპეციალისტებთან.
 

რეზიდენცია სრულდება საჯარო პრეზენტაციით კირკეს ფესტივალის ფარგლებში და ასევე მოიცავს საერთაშორისო პლატფორმებზე წარდგენის შესაძლებლობებს.
 

იკოდაკოს წევრები გაუწევენ მენტორობას არჩეულ არტისტებს, ჩაუტარებენ ვორკშოფებს და გაუზიარებენ ცოდნას პერფორმანსის შექმნის პროცესთან დაკავშირებით.
 

ასევე, პროფესიონალი ტექნოლოგების ჯგუფი Spark Community ჩაატარებს ვორკშოფებს და გაუზიარებს მონაწილეებს ტექნიკურ ცოდნასა და საჭირო უნარებს.
 

რას ვთავაზობთ:

• 1-თვიანი რეზიდენცია თბილისში (სამუშაო სივრცე ვერის უბანში)

• თანამშრომლობა ინჟინრებთან და ტექნიკურ ექსპერტებთან

• ტექნიკური და საწარმოო მხარდაჭერა

• ვიდეო და ფოტო დოკუმენტაცია

• ნამუშევრის საჯარო წარდგენა კირკეს ფესტივალზე

• საერთაშორისო პრეზენტაციის მხარდაჭერა

• PR და მედია მხარდაჭერა

• იკოდაკოს წევრების მენტორობა, ვორკშოფები და ცოდნის გაზიარება პერფორმანსის შექმნის პროცესზე

• ტექნოლოგების ჯგუფის Spark Community ვორკშოფები და ტექნიკური უნარების გაზიარება
 

ასაკი - 18+

კონკურსში მონაწილეობის საფასური: 150 ლარი

დედლაინი: 20 აპრილი

რეზიდენცია: 1 მაისი – 31 მაისი.

კირკეს ფესტივალის დაწყების დრო - 24 მარტი