სიყმაწვილე

სრულებით უნიკალური ფილმი, მიუხედავად იმისა, რომ სიუჟეტში თითქოს განსაკუთრებულს ვერაფერს იპოვით. ჩვენს წინაშეა თორმეტი წელი ყველაზე ჩვეულებრივი ცხოვრებიდან: ბიჭი მიდის პირველ კლასში, განიცდის მშობლების განქორწინებას, ინტერესდება მუსიკითა და „ვარსკვლავური ომებით“, პირველად უყვარდება, სინჯავს ალკოჰოლს, ხვდება გოგონას, აბარებს კოლეჯში...

მთავარი განსაკუთრებულობა ისაა, რომ ფილმი სწორედ 12 წლის განმავლობაში გადაიღეს — ზუსტად იმდენი დრო დასჭირდა, რომ მთავარი გმირი რეალურად გაზრდილიყო. აღსანიშნავია, რომ ეს მხატვრული და არა დოკუმენტური ფილმია. სიუჟეტის დეტალები პროცესში იქმნებოდა, და ზოგჯერ მორიგი სცენის სცენარი გადაღებების წინა ღამესაც კი იწერებოდა. ლინკლეტერი საერთოდაც გრძელვადიანი კინოპროექტების „მანქანია“ — გავიხსენოთ ტრილოგია „მზის ამოსვლამდე“, რომლის მეორე ნაწილი პირველიდან 8 წლის შემდეგ გამოვიდა, ხოლო მესამე — კიდევ 8 წლის შემდეგ.

🏆 ბერლინის საერთაშორისო კინოფესტივალის „ვერცხლის დათვი“ საუკეთესო რეჟისურისთვის.