Boudoir Trickster

ნახევრად ბნელი სივრცე, ჭიქაში ყინულის მსუბუქი წკარუნი და 1930-იანი წლების საიდუმლო speakeasyბარის ესთეტიკა.

Boudoir Trickster ერთი საღამოთი გაგიღებთ კარს საიდუმლო, კამერულ მუსიკალურ სესიაზე, სადაც საკუთარი რეპერტუარიდან swing & cabaret სტილის ყველაზე ელეგანტურ კომპოზიციებს წარმოგიდგენთ.

ჩვენ ვაერთიანებთ სხვადასხვა ეპოქასა და მუსიკალურ სამყაროს — ერთ სეტში თავს ვუყრით როგორც ნაკლებად ცნობილ მუსიკალურ მარგალიტებს, ისე საკულტო კომპოზიციებს. ვინტაჟურ შარმს ელექტრონულ ბიტებთან ვაზავებთ Caro Emerald-ისა და Parov Stelar-ის სტილში.

აკორდეონის, გიტარის, ბასისა და კახონის ცოცხალი ჟღერადობა გრუვბოქსისა და სინთეზატორების ენერგიულ რიტმს ერწყმის.

მყუდრო კონცერტი და შთამბეჭდავი სასცენო პერფორმანსი. საღამო, რომელიც განტვირთვისა და ენერგიის აღდგენის შესაძლებლობას მოგცემთ და სხვა რეალობაში გადაგიყვანთ.

ეს საღამოა მათთვის, ვინც უბრალოდ გართობას კი არა, იშვიათ და განსაკუთრებულ ემოციას ეძებს.