ქორეოგრაფიულ-მუსიკალური, უსიტყვო წარმოდგენა ერთ მოქმედებად
ადამიანის ისტორია დაბადებიდან მონანიებამდე…
სპექტაკლი ბიბლიური და ისტორიული მოტივების შერწყმით მოგვითხრობს კაცობრიობის მარადიულ გზაზე. ადამისა და ევას შექმნიდან, კაენის ცოდვიდან და ბაბილონის გოდოლის აღზევება-დანგრევიდან იწყება მოგზაურობა, რომელიც სხვადასხვა ეპოქის მეფეების, იმპერატორების, ომების, გამარჯვებებისა და ბოჰემური ცხოვრების ფრაგმენტებს აცოცხლებს.
„ბოჰემურები“ არის მუსიკის, მოძრაობისა და სიმბოლოების ენით მოთხრობილი ისტორია ადამიანის შეცდომებზე, ამბიციებზე, სინანულსა და მონანიებაზე.
ბათუმის ილია ჭავჭავაძის სახელობის სახელმწიფო დრამატული თეატრი 1952 წელს გაიხსნა და არის უძველესი დრამატული თეატრი აჭარაში, რომელიც მდებარეობს ბათუმის ცენტრში.