ბლუ ნოუთ არტ გამოფენა 2023

ის ცას უახლოვდება, მაგრამ არ ივიწყებს მიწასაც. მის ნამუშევრებში იგრძნობა სიყვარული, ჩვენს რეალობაში არსებული პრობლემები, ტკივილი, დროის მნიშვნელობა და იმედი. მხატვრის ტილოებში დიდი სევდის მიუხედავად, იმედი ჩანს, რაც კიდევ უფრო დაუვიწყარს ხდის მათ ხილვას. მხატვრის შემოქმედებასა და მისი ნამუშევრების მიღმა მრავალი გზავნილი იმალება, რომელიც სოციალურ თემებს ეხება. მიუხედავად იმისა, რომ მხატვარი მხოლოდ ერთ ფერში მუშაობს, ის ძალიან საინტერესოდ თამაშობს ჩრდილებით. ფერი მისთვის რეალობას განსაზღვრავს, ის უარყოფს ფერად სათვალეს, რომელსაც ხშირად თავის მოტყუების მიზნით ატარებენ. მისთვის თითოეული ნამუშევარი ძვირფასია და აღწერს მისი ცხოვრების ერთ დღეს. მხატვარი ფიქრობს, რომ შემოქმედება მაშინაა ღირებული, როცა მასში ცოცხლობს წარსული, აწმყო და მომავალი. სწორედ ეს არის კლასიკის უძველესი განმარტება. ნამუშევარი, რომელიც დროსთან არ მარცხდება. დაწყების დრო - 12:00 - 20:0012 წლამდე ბავშვები დაიშვებიან ბილეთის გარეშე.