სისხლიანი ქორწილი

ადამიანი ირჩევს, ბედისწერა კი არჩევანს არ ტოვებს. ეს არის სპექტაკლი სიყვარულზე, რომელიც ტრადიციების მძიმე, საუკუნოვან ჯაჭვზე უფრო ძლიერი აღმოჩნდა, და ვნებაზე, რომელმაც აკრძალვები ფერფლად აქცია. ლორკას გენიალური დრამა სცენაზე აცოცხლებს სამყაროს, სადაც ოჯახური მოვალეობა და სიყვარული ერთმანეთს დუელში იწვევენ. სად გადის ზღვარი ტრადიციასა და პიროვნულ თავისუფლებას შორის? რა შეუძლია სიყვარულს - ნგრევა თუ შენება? ქორწილი, რომელიც სიცოცხლის დღესასწაული უნდა ყოფილიყო, იქცევა საბედისწერო რიტუალად, სადაც მასპინძელი - სიკვდილია. და მაინც, რომელს აქვს ფორთოხლის ფერი - სიკვდილს თუ სიცოცხლეს?.