Crunch Tapes & Positive Transmitter წარმოგიდგენთ:

Blockhead, ProleteR, Arms and Sleepers

📍 Revolution, თბილისი
📅 2026 წლის 9 სექტემბერი
🚪 კარის გახსნა: 19:00
🎵 კონცერტის დასაწყისი: 20:00

🎟 Early Bird ბილეთები უკვე გაყიდვაშია:

RA: https://ra.co/events/2437367
Dice: https://link.dice.fm/D022550dd6a5

მსოფლიოში აღიარებული ნიუ-იორკელი ბითმეიქერი Blockhead, ფრანგი პროდიუსერი ProleteR და ბერლინში დაფუძნებული პროექტი Arms and Sleepers 2026 წლის შემოდგომაზე გაერთიანდებიან დიდი ბრიტანეთისა და ევროპის ერთობლივ ტურნეში.

ახალ რელიზებთან ერთად, არტისტები სპეციალურად ამ ტურისთვის შექმნილ ერთობლივ სინგლსაც წარადგენენ.

• Blockhead

Ninja Tune-ის ყოფილი არტისტი Blockhead ბრუნდება 2024 წლის წარმატებული ალბომის Mortality Is Lit! შემდეგ, რომელმაც მაღალი შეფასებები მიიღო BBC-სგან, KEXP-ისგან და სხვა ავტორიტეტული გამოცემებისგან. მის ბოლო ნამუშევრებს შორისაა Garbology Aesop Rock-თან ერთად და ჰიპ-ჰოპ ალბომი The Aux. ინსტრუმენტული ჰიპ-ჰოპის ერთ-ერთი ყველაზე მნიშვნელოვანი წარმომადგენელი მსმენელს 25-წლიანი შემოქმედებითი გამოცდილებით შთაგონებულ აუდიო-ვიზუალურ ლაივ შოუს შესთავაზებს.

• ProleteR

ბოლო ათწლეულის განმავლობაში ProleteR ელექტროს, nu-jazz-ის, swing-hop-ისა და ინსტრუმენტული ჰიპ-ჰოპის ერთ-ერთ ყველაზე გამორჩეულ არტისტად ჩამოყალიბდა. ჯაზური სემპლების, boom-bap რიტმებისა და electro-soul-ის შერწყმით მან შექმნა უნიკალური ხელწერა, რომელიც ნოსტალგიურ და თანამედროვე ჟღერადობას აერთიანებს. 200 მილიონზე მეტი სტრიმით და საერთაშორისო აუდიტორიით, ProleteR swing-hop სცენის ერთ-ერთ მთავარ სახედ ითვლება.

• Arms and Sleepers

Arms and Sleepers 2006 წელს ბოსტონში დაფუძნებული პროექტია, რომელიც დღეს ბერლინში მოღვაწე მირზა რამიჩს ეკუთვნის. პროექტის დისკოგრაფია მოიცავს 14 ალბომსა და 20 EP-ს, რომლებიც ექსპერიმენტულ ჰიპ-ჰოპს, ემბიენტსა და პოსტ-როკს აერთიანებს. უახლესმა ალბომმა What Tomorrow Brings (Pelagic Records, 2024) მნიშვნელოვანი საერთაშორისო გამოხმაურება მიიღო, მათ შორის The New York Times-შიც. 2026 წელს პროექტი 20 წლის იუბილეს აღნიშნავს.