შორს მისგან

ფიონა და გრანტი — ონტარიოში მცხოვრები ცოლ-ქმარი — უკვე 40 წელზე მეტია დაქორწინებულები არიან. ახლა, როცა ცხოვრების გზა ნელ-ნელა დასასრულს უახლოვდება, ისინი იძულებულნი ხდებიან აღიარონ, რომ ფიონას „მავიწყობა“ სინამდვილეში ალცჰაიმერის დაავადების გამოვლინებაა და ქალს სპეციალური მკურნალობა სჭირდება.

მრავალი წლის შემდეგ პირველად, მათ ხანგრძლივი განშორება ელოდებათ. კლინიკის წესების მიხედვით, პირველი თვე პაციენტთან სტუმრების დაშვება არ შეიძლება, რათა მას ახალ გარემოსთან ადაპტაცია გაუადვილდეს. როდესაც გრანტი ბოლოს და ბოლოს ფიონას მონახულებას შეძლებს, საშინელი სიმართლე ელის: ქალს არა მხოლოდ დავიწყებული აქვს ქმარი, არამედ გული სხვა მამაკაცისთვისაც მიუცია.

საუკეთესო ეპითეტი, რომელიც აღწერს სარა პოლლის როგორც რეჟისორსა და მსახიობს, არის — დელიკატური და დახვეწილი. იგი ბრძენი და გამჭრიახია; მისი ისტორიები ადამიანურია, ხოლო პერსონაჟები — როგორც ცხოვრებაში — არ იყოფიან მკაფიოდ დადებითად და უარყოფითად.

🏆 Golden Globe — საუკეთესო ქალის როლისათვის.