არიზონას ოცნება

ფილმი ახალგაზრდა მეოცნებაზე და მის „ჰაერში აგებულ სასახლეებზე“ — ნაზი და უმანკო ჯონი დეპის შესრულებით. მაქსიმალურად არამერიკული ფილმი, რომელიც ამერიკაშია გადაღებული — იუგოსლავიელი რეჟისორის ნამდვილი დივერსია ჰოლივუდში.

ყველა პერსონაჟს თავისი ოცნება აქვს. ვიღაცას უნდა კუს დაემსგავსოს და უკვდავად იცოცხლოს, ვიღაცას — თვითმფრინავი ააშენოს და პაპუა-ახალ გვინეაში გაფრინდეს, ვიღაცას კი — კადილაკებისგან კიბე ააგოს და მთვარეს მიწვდეს. დეპის გულსატკენი გმირი, აქსელი, კი თოვლიან ალასკაზე ოცნებობს.

„Arizona Dream“ შეიძლება „არიზონული სიზმრადაც“ ითარგმნოს — და მართალია, ეს ფილმი სრულიად შეგვიძლია მივიღოთ, როგორც სიურეალისტური სიზმარი ახალგაზრდა კაცის ზრდასა და მომწიფებაზე.