ბათუმის არქიტექტურა

ბათუმის არქიტექტურა

ამ საღამოს დროში იმოგზაურებთ და ძველი ბათუმის ისტორიას სრულიად განსხვავებული თვალით დაინახავთ. ბარის დატოვების გარეშე გადავინაცვლებთ 1909 წლის ზაფხულში და ქალაქის ერთ-ერთ ყველაზე ცნობილ მცხოვრებთან ერთად გავისეირნებთ იმდროინდელ ბათუმში.

ერთად შევივლით ბანკს, ვეწვევით ექიმს, დავესწრებით საქმიან შეხვედრას და საღამოს იმდროინდელ კინოთეატრში გავატარებთ. სთორითელინგის ფორმატში აღმოაჩენთ ძველი ბათუმის არქიტექტურას და გაიცნობთ ადამიანებს, რომლებიც ამ ქალაქში 120 წელზე მეტი ხნის წინ ცხოვრობდნენ.

ლექციაზე გაიგებთ:

• როგორი იყო ბათუმის მცხოვრების ერთი ჩვეულებრივი დღე 120 წლის წინ;

• ვინ იყვნენ ადამიანები, რომლებმაც ქალაქის ისტორიული ცენტრი შექმნეს;

• რომელი ორი არქიტექტურული სტილი განსაზღვრავს ძველი ბათუმის იერსახეს;

• როგორ გადაიქცა პატარა ოსმალური ქალაქი „შავი ზღვის ბაბილონად“;

• რას უყურებდნენ ბათუმის კინოთეატრებში XX საუკუნის დასაწყისში.