მარკ კიმბოლი, ლოს-ანჯელესის მერობის დამოუკიდებელი კანდიდატი, იძულებულია, მთელი თავისი დანაზოგი წინასაარჩევნო კამპანიაში ჩადოს, რათა არჩევნებში არ დამარცხდეს.

მალე უცნობი პირი მის თინეიჯერ ვაჟს, დენის, იტაცებს და მის დაბრუნებაში 7 მილიონ დოლარს ითხოვს. რადგან მარკსა და მის მეუღლეს ამხელა თანხა არ აქვთ, ისინი დახმარებისთვის მიმართავენ დეილ ბერტონს, მსგავსი პრობლემების მოგვარების სპეციალისტს, რომლის მომსახურების საფასური გამოსასყიდის თანხის 20%-ს შეადგენს.

მოგვიანებით ირკვევა, რომ დამნაშავეს შეცდომა მოუვიდა და იმავე კარნავალის კოსტიუმში გამოწყობილი ლათინოამერიკული წარმოშობის ბიჭი გაიტაცა. მიუხედავად ამისა, გამტაცებელი კვლავ ითხოვს გამოსასყიდს და იმუქრება, რომ თანხის გადაუხდელობის შემთხვევაში ბიჭს მოკლავს.