ანდრე & დორინი

გულისამაჩუყებელი ისტორია ხანდაზმული წყვილის დაუცხრომელი სიყვარულის შესახებ, რომელთა ცხოვრებაშიც დემენცია შემოიჭრება, მაგრამ სნეულება მაინც ვერ ამარცხებს მათ ურთიერთობას. ეს არავერბალური თეატრალური დადგმა მოძრაობის თეატრის, მარიონეტებისა და ნიღბების მეშვეობით ორი ხელოვანის შესახებ მოგვითხრობს, – და იმაზე, თუ როგორ ახერხებენ ისინი, ალცჰაიმერის მიუხედავად, თავიდან აღმოაჩინონ თავიანთი სიყვარული.

„...მაგიისა და სინაზის საოცარი მაგალითი, ამავდროულად, თავს არიდებს ყალბ საზეიმო განწყობას და ერთი წამითაც არ კარგავს იუმორის გრძნობას.“

BI FM | Cultura y ocio desde Euskadi

André & Dorine თეატრალური კომპანია Kulunka-ს პირველი სპექტაკლია, რომლის პრემიერაც კოლუმბიის პრესტიჟულ მანისალეს საერთაშორისო თეატრალურ ფესტივალზე შედგა. მას შემდეგ ეს დადგმა Kulunka Theatre-მა 600-ზე მეტჯერ წარადგინა 30-ზე მეტ ქვეყანაში, მათ შორის გამორჩეული და წარმატებული სეზონებით მადრიდის Fernán Gómez Theatre-ში, ბარსელონას Poliorama Theatre-ში და ლოს-ანჯელესის LATC-ში.