„ამერიკული მოდერნიზმი - ფოლკნერი, ფიცჯერალდი, ჰემინგუეი"

აზროვნების აკადემიაში გაიმართება სალონური საუბრები ზაალ ჩხეიძესთან

 თემა: „ამერიკული მოდერნიზმი - ფოლკნერი, ფიცჯერალდი, ჰემინგუეი"

 ამერიკული მოდერნიზმი ლიტერატურული მიმართულებაა, რომელმაც მე-20 საუკუნის დასაწყისში განიცადა ღრმა სტილისტური და თემატური გადატრიალება, მიმდინარეობამ უარყო ტრადიციული თხრობის სტილი და ფოკუსირება მოახდინა ადამიანის შინაგან განცდებზე, გაუცხოებასა და სოციალური რღვევების ფონზე იდენტობის ძიებაზე.

 მიმდინარეობა გამოირჩევა ექსპერიმენტული ფორმით და ენის სიმბოლური გამოყენებით, რაც ასახავს ავტორების პასუხს პირველ მსოფლიო ომზე, ინდუსტრიალიზაციასა და კულტურული ღირებულებების კრიზისზე.

 ლექცია დაეთმობა ამერიკული მოდერნიზმის სამ უნიკალურ სახეს — უილიამ ფოლკნერს, ფ. სკოტ ფიცჯერალდს და ერნესტ ჰემინგუეის — მწერლებს, რომლებმაც მე-20 საუკუნის ლიტერატურას ახალი ენა, ახალი ფორმა და ახალი სიღრმე მიანიჭეს.სამივე მათგანი წარმოგვიდგენს სამყაროს, სადაც ძველი ფასეულობები იშლება, ადამიანი კი გაუცხოებასა და შიდა კონფლიქტებში ეძებს საკუთარ თავს. ფოლკნერი ქმნის კომპლექსურ ნარატივებს. ს. ფიცჯერალდი მოგვითხრობს „ამერიკული ოცნების“, მასშტაბურ ილუზიებზე, ჰემინგუეი კი მინიმალისტურ სტილში – დუმილსა და შეზღუდულ ენაში ჩადებულ ემოციებზე აგებს მის ლიტერატურულ ტექსტებს.

შეხვედრაზე დაგხვდებათ ფურშეტი და სასიამოვნო გარემო

შეხვედრის ხანგრძლივობა – 2-3 საათი